Í dag, 17. júní, ætlum við að fagna.
Þetta er dagur barnanna og við ætlum að bjóða upp á barnaleiðsögn um hákarlaveiðarnar. Hvaða krakki er ekki spenntur að læra meira um þessar leyndardómsfullu skepnur 
Leiðsögnin byrjar klukkan 16:00 en safnið er opið frá 9-17 og aðgangur er ókeypis.
Sjáumst og höfum gaman saman
Hefur þú áhuga á vinnslu rekaviðar að fornum hætti? Rekaviður sem berst hingað til lands kemur alla leið frá Síberíu. Áður var rekaviðurinn mikil hlunnindi. Hann var notaður við nánast alla trévinnu hérlendis því skógar voru engir.
Föstudaginn næstkomandi, þann 22. september kl 16:30, munum við á byggðasafninu halda sýningu á vinnslu rekaviðar og kenna ykkur tökin. Verið hjartanlega velkomin. Það verður heitt á könnunni og frítt inn á sýningar safnsins!
Nú síðastliðnn vetur hafa starfsmenn safnsins staðið í ströngu við að setja upp nýja og endurbætta sýningu um matarmenningu landsmanna á árum áður. Safnið varðveitir hina ýmsu gripi sem tengjast matarmenningu og fá þeir að njóta sín vel á sýningunni. Þar má meðal annars nefna aska, strokka, mjólkurfötur og smjöröskjur. Hér koma tvær myndir af sýningunni… en sjón er sögu ríkari.
